ទីក្រុងឡុងដ៍៖ នាយករដ្ឋមន្ត្រីអង់គ្លេស លោក បូរីស ចនសន បាននិយាយកាលពីថ្ងៃពុធថា ចាប់ពីចុងខែកុម្ភៈតទៅប្រជាជនអង់គ្លេសដែលមានជំងឺកូវីដ១៩ នឹងលែងតម្រូវឱ្យធ្វើចត្តាឡីស័កទៀតហើយ ដែលថាជារៀនរស់នៅជាមួយកូវីដ-១៩។

លោក បូរីស ចនសន បានដកវិធានការរឹតបន្តឹងស្ទើរតែទាំងអស់នៅក្នុងប្រទេសអង់គ្លេសកាលពីខែកក្កដាឆ្នាំមុន ហើយកាលពីខែមុនបានដក «ផែនការ B» ដែលត្រូវបានដាក់ជាបណ្តោះអាសន្នដើម្បីទប់ទល់នឹងមេរោគបំលែងថ្មី Omicron។

លោក ចនសន បានប្រាប់សមាជិកសភាថា៖ «វាគឺជាចេតនារបស់ខ្ញុំក្នុងការវិលត្រឡប់មកសភាពធម្មតាវិញ ដើម្បីបង្ហាញយុទ្ធសាស្រ្តរបស់យើងសម្រាប់ការរស់នៅជាមួយកូវីដ-១៩»។

គិតមកដល់ពេលនេះ ចក្រភពអង់គ្លេសបានកត់ត្រាករណីស្លាប់ដោយសារកូវីដ-១៩ជិត ១៦ម៉ឺននាក់ពីក្នុងរយៈពេល ២ ឆ្នាំចុងក្រោយ ដែលបានទម្លាក់កំហុសទាំងនេះទៅលើការដឹកនាំរបស់លោក ចន សន៕